شعر زمان تخت قاپو زنده یاد روزعلی اسفندیاری غریبوند
🌹🌹🌹
چه تشی برنید اوید به منه ایرون
زدست ایی شاه گورون خدا و پیرون
رضا شاه خوس یه شاهه چارلنگ یه شاهه
مندیریم صاحب زمون په کی ( پس کی ) ایاهه
(پرس کنین صاحو زمون پس کی ایاهه )
ز پیرون منده فقط احمدفداله
منجزی سی غلمعلی کردن حواله
سر شط تا جونگری میون شوشتر
چندهزار تحویل بدان کوه و تیشتر
بفرشنوم کاغذی مشدی ولینه
اولادینه هشتی و یه روزعلینه
روزعلینه هشتیه دو دالو بیوه
دیونات عدالتن ( عدالته )کارات چه لیوه
بفرشنوم کاغذی کل حاجتینه
حوشه چینی هشتی و پاها پتینه
دالوئینه هشتی بی ری چنگ ( به چنگ ) ایسهرست.
سیل زیدم جا مترس دیم قویی پهرست
دل خش کردم دالو که گوم یو ایمهنس
چی آستاره روهه که دیم یهو کهنس
ای دالو تش گرهده به چنگ ایسهرست
سیل زیدوم بدم دول چی کوگ ایپهرست
بفرشنوم کاغذی اولاد هاشم
کیک و پشه خردمه دال کند به لاشم
بچلم پاک لهد و لا خوم دارحشکوم
شوم گرگ چاست پلنگ زلیل موشکوم
للرو لرسستنه رنگاسو زردن
کتکی و چارلنگون دنیانه خردن